ຫົວ​ຂໍ້ : ບັນດາປະເທດອາຊຽນ ປຶກສາຫາລື ການນໍາໃຊ້ລະບົບແຈ້ງພາສີປະຕູດຽວແຫ່ງຊາດ

ເຜີຍ​ແຜ່​ໂດຍ​: algi@admin ເວ​ລາ: 28/02/2020 04:48:48 ຈຳ​ນວນ​ຜູ້​ເຂົ້າ​ຢ້ຽມ​ຊົມ 176 ຄັ້ງ

   ໃນວັນທີ 4 ຕຸລາ 2016 ກົມພາສີ, ກະຊວງການເງິນ ສປປ ລາວ ໄດ້ເປັນເຈົ້າພາບຈັດກອງປະຊຸມດ້ານວິຊາການກ່ຽວກັບການຈັດຕັ້ງປະຕິບັດລະບົບແຈ້ງພາສີປະຕູດຽວອາຊຽນ (ASWTWG) ຄັ້ງທີ 37 ເຊິ່ງໄດ້ຈັດຂື້ນທີ່ ໂຮງແຮມວຽງຈັນພລາຊາ, ນະຄອນຫລວງວຽງຈັນ, ໂດຍການເປັນປະທານຂອງ ປະເທດມາເລເຊຍ ຊຶ່ງມີຜູ້ເຂົ້າຮ່ວມ ຈາກບັນດາປະເທດສະມາຊິກອາຊຽນ 10 ປະເທດ, ກອງເລຂາທິການອາຊຽນ ແລະ Axwayຜູ້ພັດທະນາລະບົບ ເຂົ້າຮ່ວມ.
   ກອງປະຊຸມດັ່ງກ່າວເເມ່ນກອງປະຊຸມວິຊາການກ່ຽວກັບການຈັດຕັ້ງປະຕິບັດລະບົບແຈ້ງພາສີປະຕູດຽວອາຊຽນ (ASWTWG) ຊຶ່ງເປັນກອງປະຊຸມປຶກສາຫາລືແກ້ໄຂບັນຫາຕ່າງໆກ່ຽວກັບການທົດລອງນໍາໃຊ້ລະບົບ ASW, ການສ້າງບົດແນະນໍາ ແລະ ຄູ່ມືນໍາໃຊ້ ເພື່ອພັດທະນາ ລະບົບແຈ້ງພາສີປະຕູດຽວແຫ່ງຊາດຂອງບັນດາປະເທດສະມາຊິກໃນແຕ່ລະໄລຍະ ເຊິ່ງຈະຊ່ວຍໃນການອໍານວຍຄວາມສະດວກດ້ານການຄ້າ ກໍ່ຄືເປັນການສ້າງສະພາບແວດລ້ອມເອື້ອຍອໍານວຍແກ່ພາກທຸລະກິດ. ຄວາມຄືບໜ້າຂອງການພັດທະນາລະບົບດັ່ງກ່າວປັດຈຸບັນແມ່ນໄດ້ມີການເປີດທົດລອງນໍາໃຊ້ຢູ່ 5 ປະເທດສະມາຊິກອາຊຽນຄື: ປະເທດອິນໂດເນເຊຍ, ສິງກະໂປ, ໄທ, ມາເລເຊຍ ແລະ ຫວຽດນາມ. ສໍາລັບປະເທດສະມາຊິກອາຊຽນທີ່ເຫຼືອແມ່ນຈະຕ້ອງໄດ້ຮີບຮ້ອນພັດທະນາລະບົບແຈ້ງພາສີປະຕູດຽວແຫ່ງຊາດຂອງຕົນເພື່ອເຊື່ອມຕໍ່ກັບລະບົບອາຊຽນໃຫ້ໄດ້ໄວເທົ່າທີ່ຈະໄວໄດ້.
   ສໍາລັບ ສປປ ລາວ ແມ່ນກໍາລັງຢູ່ໃນຂັ້ນຕອນການເປີດທົດລອງໃຊ້ລະບົບແຈ້ງພາສີປະຕູດຽວແຫ່ງຊາດ ແລະ ມີແຜນທີ່ຈະເລີ່ມສຶກສາການເຊື່ອມຕໍ່ກັບລະບົບຂອງອາຊຽນໃນປີ 2017.


ແຫຼ່ງຂ່າວຈາກ: ເວັບໄຊກະຊວງການເງິນ

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​