ຫົວ​ຂໍ້ : ເງິນຊົດເຊີຍໂຄງການທາງດ່ວນ ນວ ໝາຍເລກ 1

ເຜີຍ​ແຜ່​ໂດຍ​: admin ເວ​ລາ: 15/12/2019 11:27:17 ຈຳ​ນວນ​ຜູ້​ເຂົ້າ​ຢ້ຽມ​ຊົມ 249 ຄັ້ງ

15.12.2019 11:25      ພິທີມອບ-ຮັບເງິນຄ່າຊົດ ເຊີຍ ແລະ ທົດແທນຄ່າເສຍຫາຍໂຄງການທາງດ່ວນນະ ຄອນຫຼວງວຽງຈັນ (ນວ) ໝາຍເລກ 1 ຄັ້ງທີ 2 ໄດ້ຈັດຂຶ້ນໃນວັນທີ 5 ທັນວາຜ່ານມາ ທີ່ສະໂມສອນເມືອງໄຊທານີ ນະ ຄອນຫຼວງວຽງຈັນ ໂດຍການ ເຂົ້າຮ່ວມມອບຄ່າຊົດເຊີຍ ຂອງທ່ານ ພູຂົງ ບັນນະວົງ ຮອງເຈົ້າຄອງນະຄອນຫຼວງວຽງຈັນ, ມີບັນດາຫົວໜ້າພະແນກການ ພ້ອມດ້ວຍພໍ່ແມ່ປະຊາຊົນທີ່ມີ ສ່ວນຮ່ວມໃນໂຄງການເຂົ້າຮ່ວມ. ທ່ານ ບຸນທາມ ພຸດທະວົງສາຫົວໜ້າຄະນະໄກ່ເກຍໂຄງ ການໄດ້ລາຍງານເຖິງເປົ້າ ໝາຍການພັດທະນາຂອງໂຄງການດັ່ງກ່າວວ່າ: ໂຄງການກໍ່ສ້າງທາງດ່ວນໝາຍເລກ 1 ນະຄອນຫຼວງວຽງຈັນ ມີຕອນດິນທີ່ມີສ່ວນຮ່ວມໂຄງການ ລວມມີ 2 ເມືອງ ແລະ 21 ບ້ານທີ່ຖືກໂຄງການກໍ່ສ້າງຄື: ເມືອງໄຊເສດຖາ ຈຳນວນ 14 ບ້ານ ແລະ ເມືອງໄຊທານີ 7 ບ້ານ ລວມຂອບເຂດພື້ນທີ່ ທີ່ພັດທະນາຢູ່ເມືອງໄຊທານີ ປະກອບມີການຂະຫຍາຍເສັ້ນທາງເຊື່ອມຕໍ່ລະຫວ່າງທາງດ່ວນວຽງຈັນ ໝາຍເລກ 1 ຫາ ສະຖານີລົດໄຟລາວ-ຈີນ, ເຂດສາທາລະນຸປະໂພກທີ່ອຳນວຍຄວາມສະດວກ, ເຂດພັດທະນາທີ່ຈຳເປັນ ແລະ ພື້ນທີ່ຮອງຮັບກິດຈະກຳໂຄງການ ຊຶ່ງມີໄລຍະແລວທາງທັງໝົດ 15.933 ກິໂລແມັດ ແຕ່ບໍລິເວນເຂດສະເພາະບຶງທາດຫຼວງ - ດົງໝາກຄາຍ. ຜ່ານການຈັດຕັ້ງປະຕິບັດ ສັງລວມຂໍ້ມູນແຜນທີ່ດິນ, ສຳເນົາທີ່ດິນ ແລະ ປະສານສົມ ທົບກັບຂະແໜງການທີ່ກ່ຽວ ຂ້ອງ ແລະ ສົມທົບກັບເຈົ້າຂອງຕອນດິນທີ່ຖືກຂອບເຂດໂຄງການເພື່ອລົງສຳຫຼວດ ວັດແທກເກັບກຳຂໍ້ມູນສິດນຳໃຊ້ທີ່ດິນ ພ້ອມທັງເຮັດບົດບັນທຶກຮັບເອົາຄ່າຊົດເຊີຍໃນຄັ້ງທີ 2 ນີ້ຜູ້ທີ່ປະກອບເອກະສານຄົບຖ້ວນ ແລະ ພ້ອມຮັບຄ່າຊົດ ເຊີຍຈຳນວນ 92 ຕອນ ແລະ ລວມມູນຄ່າການຊົດເຊີຍ 40.056.514.309 ກີບ.ມີເນື້ອທີ່ 344.671 ຕາແມັດ ລວມມີຕອນດິນ ຢູ່ບ້ານວັງຊາຍ 29 ຕອນ, ຮ່ອງສຸພາບ 12 ຕອນ, ໂນນຄໍ້ເໜືອ 5 ຕອນ,ໂຄກສະຫວ່າງ 2 ຕອນນາແຄ 17 ຕອນ ແລະ ບ້ານໄຊ 27 ຕອນ ຊຶ່ງສ່ວນຫຼາຍເຈົ້າຂອງຜູ້ມີສ່ວນຮ່ວມໃນໂຄງການແມ່ນມີອາຊີບພະນັກງານບຳນານ, ຊາວນາ ແລະ ຄ້າຂາຍ, ໃນການຮັບເງິນຄ່າຊົດເຊີຍມີ 2 ແບບຄື: ຮັບເປັນແຊັກເງິນ ແລະ ໂອນຊຳລະຜ່ານທະນາຄານທີ່ກຳນົດໃຫ້ໂຄງການທາງດ່ວນໝາຍເລກ 1 ທີ່ດິນທີ່ນອນ ໃນໂຄງການລວມມີເມືອງໄຊເສດຖາ ມີຕອນດິນທັງໝົດ 535 ຕອນ ແລະ ເມືອງໄຊທານີ ມີຕອນດິນທັງໝົດ 333 ຕອນ ລວມຕອນດິນໃນໂຄງ ການມີ 868 ຕອນ ມີສິ່ງ ປຸກສ້າງ 160 ຫຼັງ (ເມືອງໄຊ ເສດຖາ 134 ຫຼັງ ແລະ ເມືອງ ໄຊທານີ 26 ຫຼັງ) ເນື້ອທີ່ໂຄງການທັງໝົດປະມານ 293.16 ເຮັກຕາ ແລະ ມູນຄ່າຊົດເຊີຍເບື້ອງຕົ້ນປະມານ 353.295.706.956 ກີບທຽບເທົ່າ 41.564.200 ໂດລາ. (ຂ່າວ: ມະລິ, ໜັງ​ສຶ​ພິມ ປ​ະ​ຊາ​ຊົນ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​